DIGITAL MEDIA

‘જે દેશ આધુનિક ટેકનોલોજી અપનાવતો નથી તે દેશ પાછળ રહી જાય છે.’ માનનીય  વડાપ્રધાન શ્રી નરેન્દ્ર ભાઈ મોદીના આ શબ્દોથી ચાલુ થતું આ પુસ્તક ટેકનોલોજીની અને સોશિયલ મીડિયાની અવનવી જાણકારી લઈને આવે છે. આજે આપણે ગર્વથી કહી શકીએ છીએ કે ભારત ચોથી ઔદ્યોગિક ક્રાંતિ લાવી ચૂક્યું છે.  હિન્દુસ્તાન આજે દુનિયાને દિશા બતાવી રહ્યું છે.

‘ઇન્ટરનેટ’ પુસ્તકમાં ભારતમાં ઇન્ટરનેટની સ્થિતિ, ઓનલાઇન વ્યવસ્થા સામેના પડકારો, ઓનલાઇન વેબ જર્નાલિઝમ અને તેનો ટૂંકો ઇતિહાસ, ઈ-મેઈલ અને બ્લોગની દુનિયા, જુદી જુદી વેબસાઈટસની દુનિયા, ઈન્ટરનેટની સ્પીડ અને દેશના વિવિધ ભાગોમાં તેના નેટવર્કની પહોંચ, ઇન્ટરનેટ ઉપર વાંધાજનક કન્ટેન્ટ ટેકનોલોજી સહિતના વિષયો પર ફોકસ કરવામાં આવ્યું છે.

લેખક કહે છે કે જગતની પ્રથમ પાંચ મહત્વની શોધો ગણવાની હોય તો પૈડું અને અગ્નિ ઉપરાંત તેમાં વર્લ્ડ વાઈડ વેબનો પણ સમાવેશ આપણે કરવો જોઈએ. વર્લ્ડ વાઈડ વેબ નો વેગ જોતાં કહી શકીએ કે વિજ્ઞાનની ભાગ્યે જ કોઈ શોધ આટલી ઝડપે આટલા લોકો સુધી પહોંચી હશે અને પોતાના મૂળિયા આટલા ઊંડા જમાવી દીધા હશે.